طول عمري مش بأعرف اسأل الناس اسئلة تبين إني مهتمة مع أني باكون حقيقي مهتمة
بس كنت باخاف اسأل يضطروا يقولوا حاجة
مش عايزين يقولوها او يتحرجوا
كان ساعات يتقال عليا براويه 
وساعات بيقولوا مش مهتمة 
وساعات مش مهم عندها التفاصيل
لغاية ما لقيت إني كنت شايله فضولي
وأسئلتي لحاجة أهم وأكبر
كنت باتعلم طول عمري إني ازاي
أتدرب في الحياة ومع الناس
عشان أعرف فعلا اسأل
بس الأسئلة المفيدة اللي تمس القلب
الأسئلة اللي تطلع أجمل ما في ضيوفي
مش الأسئلة اللي كنت طول عمري
كنت بأشوفها تدخل في حياة الناس
أنا دلوقتي بفضل ربنا
حياتي بقت مبنية على الأسئلة والفضول
اللي بيخليني أتعلم من كل إنسان
باقابله بكل يسر وسهولة ومحبة
شكرا لكل قلب طيب
من ضيوفي المحترمين
شكرا ليكم أنكم شاركتم بكل صدق جزء
كبير من روحكم الجميلة وأجزاء من حياتكم
وقصصكم الخاصة جدا
بنية النفع والهام الناس كلها
وحتى تبقى القصص علامات
والأصوات ذبذبات تسري في الأكوان